每日最美好既時光就係放工見一見麥仔的時光。
（麥仔係我一直講既男朋友呀btw。畀番個名份您）
我住九龍佢住港島
大家都喺港島番工又差不多時間放工
於是每日放工我哋都會喺中環同一個地方見個面。
之前果到有個阿嬌既廣告
所以我哋每日放工都會話「黑嬌等。」
不過阿嬌早已被換成三點式女郎
其實每次我哋都係見五至十分鐘
就會向左走向右走，各自回家
但呢短短既時光我都視為救贖時光。
即使見到面其實都無咩特別要講
不過都好舒暢好開心～
畢竟每日都可以見面係件非常奢侈的事
那怕只有五分鐘，知道有個人在等您收工就覺得幸福仔。